Lalwa se yon plant anpil moun konnen nan peyi dayiti sitou pou gou anmè li genyen. Non syantifik li se Aloe vera, depi byen lontan moun ki gen ladrès nan medsin tradisyonèl te konn itilize li pou geri, soulaje ak prevni plizye maladi. Nan epòk Farawon yo, ejipsyen yo te rele li plant bondye yo . Plizye milenè pase, men valè lalwa pa diminye, se pou sa nou pral gade ansanm ki itilite li e kijan nou ka pwofite de li.

Pa genyen yon sèl kalite lalwa, gen divès espès ki kiltive nan tout mond lan. Varyete yo plis konnen an yo kiltive li nan peyi Babad, yo rele li Barbadensis miller . Se peyi lespay ki pi gwo pwodiktè lalwa nan mond la. Yo itilize li nan anpil pwodwi alimantè ak kosmetik, tankou ji, bonbon, gato, konfiti, savon, chanpou ak krèm pou po. Pou n site sa yo selman.
Nou ka remake gen anpil pwodwi ki fet ak lalwa, se pa san rezon. Se paske li gen anpil valè nitritif ak medikal. Reyèlman, li genyen yon gwo konsantrasyon oligo-eleman (Potasyom, Manyezyom, Manganez, kalsyom, yod, fè, zen elatriye), vitamin (A, B1, B2, B3, B6, B9, C) ak asid amine esansyèl yo.
Men ki benefis ou ka jwenn lè w konsome pwodwi mirak sa a:
  Regle kantite sik ki nan san w (glisemi)
  ranfòse sistèm defans kò w (sistèm iminite)
 Elimine toksin ki nan kò a (Se yon pwodwi anti-oksidan)
 Ede fe po w bel epi an sante
Ede sistèm dijestif ou mache byen

Pou w fè yon tretman epi pwofite de tout benefis sa yo, li konseye pou w bwè ant 50 a 100 ml ji ki fèt ak lalwa chak jou. Li pa sèlman bon pou w geri maladi men ou ka itilize l pou divesifye rejim alimante ou. Ann kontinye chèche konnen pouvwa ak benefis ki gen nan plant nou yo.