Nan sousi pou fè travay pwoteksyon anviwonman an rive pi lwen, Immaculée Gaspard, yon etidyan nan Agwonomi te deside òganize dejounen sansibilizasyon nan Marbial. Se yon mannyè pou li fè sèvi zòn kote li te grandi a.
Jou ki te Vandredi xx pou rive Samdi xx Septanm nan lanne 2018 la, plis pase 150 jèn elèv lekòl te asiste a fòmasyon sila.
Men diferan gran pwen ki te trete nan kad aktivite a:

- Anviwonman ak sa li gen ladan l
- Devwa chak sitwayen anvè anviwonman an
- Koz epi konsekans debwazman nan Marbial
- Kijan nou ka fè pou nou eksplwate anviwonman an san koze twòp dega
- Metod pou fè konpòs
- Teknik pou resikle kèk matyè an plastik
- Tekinik pou reyalize yon pepinyè
- Kòman nou ka reyalize brikèt chabon avèk papye

Travay yo pat rete la. gen yon komite nan chak lekòl ki te benefisye fòmasyon an pou pèmèt angajman sa a kontinye.